ВĂРĂ ТĔЛĔРМЕСТ
Вăрă нихăçан та тĕлĕрмест, ăçта, мĕнле япала хуçасăр выртнине çийĕнчех асăрхать. “Кононов С.Л.” хуçалăхĕнче МТЗ тракторăн двигательне темиçе кун каяллах кăларса хунă. Анчах та склада кĕртсе хума те вăхăчĕ çитмен, те маннă.
Çакăнпа усă курнă та ĕнтĕ “кукăр алăсем”. Çу уйăхĕн çирĕм саккăрмĕшĕнче паллă мар çынсем каç пулттипех асăннă хуçалăхăн ĕне ферми çывăхĕнчен трактор двигательне вăрланă. Иртен-çÿренсем каланă тăрăх, вăрăсем “Газель” автомашинăпа пулнă. Хальлĕхе шырав ĕçĕсем пыраççĕ
"Пурнăç çулĕпе" Аликовская районная газета