Кашни çулах вырмана тухиччен районти ял хуçалăх предприятийĕсемпе фермер хуçалăхĕсен, колхозсен комбайнĕсене техника тĕрĕслевĕ витĕр кăларатпăр, ĕçченсемпе калаçу йĕркелетпĕр.

Кăçал та палăртнă тĕрĕслев вăхăтра иртрĕ. Районти 71 комбайнтан 58-шĕ уя тухма хатĕр. Вĕсене юсанă, ĕçе пуçăнма хатĕрлесе çитернĕ. Чылайăшĕ уй-хирте тĕш-тырра çапма та тытăннă ĕнтĕ. Уйрăмах "Дружба" ЯХПК-ра, "Урожай" колхозра техникăна вырмана хатĕрлессипе тимлĕ пулнине палăртса хăвармалла.

Вырма ĕçĕсем кăлтăксăр иртчĕр. Ĕçленĕ чухне пурте тĕп правилăсене пăхăнса тăрăшасчĕ.